Вельмі важна навучыць сённяшніх дзяцей з павагай ставіцца да беларускай мовы, развіваць актыўнае маўленне дзяцей у сумесных гульнях, іншых відах дзейнасці. Авалоданне беларускай мовай у дзіцячым садзе адбываецца ў адпаведнасці з вучэбнай праграмай дашкольнай адукацыі. Па традыцыі, 21 лютага ва ўстанове прайшоў дзень роднай мовы. У гэты дзень рэалізацыя задач адукацыйнай галіны “Развіццё маўлення і культура маўленчых зносін” арганізавана з дзецьмі ў спецыяльна арганізаванай і нерэгламентаванай дзейнасці праз цікавыя пазнавальныя гульні і гульнёвыя заданні, казкі, апавяданні, вершы. Выхаванцы познаёміліся са знакамітымі людьмі Драгічынскага раёна, прадметамі хатняга ўжытку, ткацкім рамяством, славутымі мясцінамі на прыкладзе Дзіцячага атласа Драгічынскага раёна.